Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

Manorama Mohanty

Inspirational


4  

Manorama Mohanty

Inspirational


ଦୁର୍ଗତିନାଶିନୀ ମା

ଦୁର୍ଗତିନାଶିନୀ ମା

1 min 194 1 min 194

ବେଗେ ଆସ ମାଆ ଦଶଭୁଜା ତୁହି 

ସଜ ହେଲେଣି ଭକ୍ତ ତୋର ପୂଜାପାଇଁ ।


ମରତରେ ପାପ କଳାଛାଇ ପରି 

ଘୋଟିଲାଣି ମାଆ ତା କାୟା ବିସ୍ତାରି ।


ଅନ୍ୟାୟର ଖିଅ ଲମ୍ବି ଲମ୍ବି ଯାଏ 

ପ୍ରଗତି ନାମରେ ଶୋଷଣ ଯେ ହୁଏ ।


ଗରିବର ଦୁଃଖ ବୁଝନ୍ତିନି କେହି 

ଖାଲି ବଞ୍ଚି ରହେ ଲୁହ ପିଇପିଇ ।


ଗରିବ ଜନର ସରଳତା ନେଇ 

କ୍ଷମତାପାଇଁକି ଲାଗନ୍ତିଲଢେଇ ।


ତୁଚ୍ଛାଟାରେ ଖାଲି ଡିଣ୍ଡିମ ପିଟନ୍ତି 

ସ୍ୱାର୍ଥପାଇଁ ଅନ୍ୟ ତଣ୍ଟିକୁ କାଟନ୍ତି ।


କୋଟିପତି ନିଶାପାଣିରେ ଶାସକ 

ଭୁଆଁ ବୁଲାଏ ସେ ସାଜିଣ ଶୋଷକ ।


ଆଜି ସମାଜରେ ସ୍ୱାଧୀନତା କାହିଁ 

ନାରୀଟିଏ ଡରେ ଏକା ଯିବାପାଇଁ ।


ସଭିଏଁ ଭାବନ୍ତି ନାରୀହିଁ ଦୁର୍ବଳା 

ସେଥିପାଇଁ ପରା ନାମ ତା ଅବଳା ।


ବଞ୍ଚିବାର ରାହା ପାଉନାହିଁ ସିଏ 

ବିନା ଦୋଷେ ଖାଲି ଲାଞ୍ଚିତ ସେ ହୁଏ ।


ତେଣୁ ତୁହି ମାଆ ଆସ ଦଶଭୁଜା 

ମହିଷା ମାନଙ୍କୁ ଦେଇ ଯାଅ ସଜା ।


ତୋ ସନ୍ତାନ ଆଜି ବିପଦେ ଡାକଇ 

ମା ଶକ୍ତିମୟୀ ସାହା ଏକା ତୁହି ।


ଷଢ଼ରିପୁ ଧ୍ୱଂସି ହୁଅ ଆବିର୍ଭୁତା 

କାଟି ଦିଅ ମା ଗୋ ଲକ୍ଷ୍ମଣର ରେଖା ।


ଜଗତର ଦୁଃଖ ପୋଛି ପଣତରେ 

କରୁଣାର ବାରି ଢାଳିଦିଅ ଥରେ ।

 

ଏତିକି ମିନତି କରେ ଶ୍ରୀ ପୟରେ 

ତୋ ନାମ କୁ ସଦା ଗାଏ ସାତସୁରେ ।


Rate this content
Log in

More oriya poem from Manorama Mohanty

Similar oriya poem from Inspirational