ଦୁଃଖ
ଦୁଃଖ
1 min
246
କାମନାର ନିଆଁତଳୁ ଜନ୍ମନିଏ ଲୋଭ,
ଲୋଭମୋହ ମାଡ଼ିଆସେ ଦୁଃଖଭରା ନଭ |୧|
ବିଷାଦର କାରଣ ଯେ ଅତ୍ୟଧିକ ଆଶା,
ବେଳେବେଳେ ତୁଟିଯାଏ ଜୀବନର ହସା |୨|
ରୋଗଦୁଃଖ ଭୋକଦୁଃଖ ଆଉଦୁଃଖ ଶୋକ,
ବହୁପୀଡ଼ା ପୁତ୍ରହରା ସ୍ବାମୀହରା ଦୁଃଖ |୩|
ଦୁଃଖନଈ ବଢ଼ିଚାଲେ ଟିକିଝର ହୋଇ,
ଝରଝର ମିଶିକରି ମହାସ୍ରୋତ ନଈ |୪|
ରୋଗଦୁଃଖ କିଛିଦିନ ଦେହଦୁଃଖ ବହୁ,
ମନଦୁଃଖ ମହାମାରୀ ଦେଖୁଦେଖୁ ବହୁ |୫|
ମାୟାଜାଲେ ଛନ୍ଦିହୋଇ ବହୁଦୁଃଖ ଝରେ ,
ଦୁଃଖନୀର ଗଭୀରତା ମାପିନୁହେଁ ପାରେ |୬|
ମନସ୍ତାପ ଆବେଗରେ ଆସିଥାଏ ଦୁଃଖ,
ଲୋଭମୋହ ପରିତ୍ଯାଗେ ମିଳିଥାଏ ସୁଖ |୭|