Library
Profile
ଦୁଃଖ ଦରିଆରେ ମୋ ଛୋଟ ଘର
ଦୁଃଖ ଦରିଆରେ ମୋ ଛୋଟ ଘର
ଆସିଛି ଆଶ୍ୱିନ ଶରଦେ ପାର୍ବଣ
ବିଜେ ହେବେ ମାଆ ପୁର ନଗର
କି ଦେଇ ପୂଜିବି କି ଅଛି ମୋହର
ଦୁଃଖ ଦରିଆରେ ମୋ ଛୋଟ ଘର ।
ଅତି ଅସହାୟ ନାହିଁ ମୋ ସମ୍ବଳ
ପୂର୍ବ ମୋ ଐତିହ୍ୟ ହଜିଛି ଶୀରି
ଭକ୍ତିପୂତ ଚିତ୍ତ ସମର୍ପଣ ଛଡା
କିଛି ପାରିବିନି ଅଧିକ କରି ।
ଲିପିପୋଛି ଘର କରିଛି ସୁତର
ପକାଇଛି ଝୋଟି କାନ୍ଥରେ ଚିତା
ମାଖି ଦେଇଅଛି ନାଲି ରଙ୍ଗ ଟିପା
ରାଗିବନି ମାଆ କରିବ କୃପା ।
ସ୍ଥାପି ଶୁଭଘଟ ବସାଇବି ସାଜ
ମୋ କୃପାଣ ବର୍ଚ୍ଛା ଶାଣିତ ଖଣ୍ଡା
ହୋମ ମନ୍ତ୍ର ପାଠ କରିବେ
ଗୋସାଇଁ
ତିଆରିବି ଭୋଗ ପିଠା ଓ ମଣ୍ଡା ।
ତୁହି ନବଦୂର୍ଗା ମାଆ ଶୈଳପୁତ୍ରୀ
ଉମା ଚନ୍ଦ୍ର ଘଣ୍ଟା ଦେବୀ କୁଷ୍ମାଣ୍ଡା
ଶକ୍ତି ରୂପା ତୁହି ଦେବୀ ସ୍କନ୍ଦମାତା
କାତ୍ୟାୟନୀ ଗୈ।ରୀ ମା ସ୍ୱୟଂ ସିଦ୍ଧା ।
ନାଶ ମା ଦୁର୍ଗତି ଅନ୍ୟାୟ ଅନୀତି
ଦିଅ ପ୍ରତି ପ୍ରାଣେ ଉଲ୍ଲାସ ଭରି
ନ ମଣନ୍ତୁ କେହି ଅବଳା ଦୁର୍ବଳା
ଦିଅ ମା ଅଭୟ କରୁ ଗୁହାରି ।
ତୁହି ଆଦିଶକ୍ତି ଜଗତଜନନୀ
ଯଜ୍ଞ ସ୍ୱରୂପିଣୀ ମାଆ ବିରଜା
ହୋଇଥିବୁ ମାଆ ସାହା ଓ ଭରସା
ଉଡାଇବୁ ବାନା ତୋ ସିଂହ ଧ୍ୱଜା ।
------
