ଦୀପାବଳୀ

ଘରେ ଜାଳ ଦୀପ ସୌନ୍ଦର୍ଯ୍ୟ ଲାଗିବ

ମନେ ସ୍ନେହ ଦୀପ ଜାଳି

ଦୀପର ଆଲୋକେ ତମସା ହଟିବ

ହସ ର ଜୁଆର ଖେଳି ।

ଦୀପ ରେ ଦୀପ୍ତିମାନ ହେଉ ଏ ପୃଥିବୀ

ହରି ନେଉ ସବୁ ଦୁଃଖ

ସବୁରି ମନରେ ସବୁରି ପ୍ରାଣରେ

ଭାବନାରେ ହେବା ଏକ ।

ଆଲୋକିତ କର ଗାଆଁ ରୁ ସହର

ମନ ଆଲୋକିତ କରି

କାହାରି ହୃଦୟେ ଦେବନି ଯନ୍ତ୍ରଣା

ପ୍ରତିଜ୍ଞା ଆଲୋକ ଜାଳି ।

ସଜାଇ ଦେବା ରେ ପ୍ରଦୀପ ମାଳା ରେ

ସୁନ୍ଦର ଦିଶିବ ଘର

ହରି ନେବା ଆମେ ସବୁରି ମାନସୁ

ଦୁଃଖ କଷ୍ଟ କ୍ଲେଶ ଭାର ।

ମନ ର ପାପ କୁ ଜାଳି ଦେବା ଆଗେ

ହିଂସା କପଟ କୁ ଜାଳି

ଅହିଂସା ମନରେ ପ୍ରୀତି ର ସାଗରେ

ଜାଳିବା ଆମେ ଦୀପାଳୀ ।

ଅନ୍ଧାର କୁ ଜିଣି ଆଲୋକ କରିବା

ଆମ ଏଇ ଦୁନିଆ କୁ

ଜୀବଜଗତ ରେ ସଭିଙ୍କର ମୂଲ୍ୟ

ଜାଣିବା ସେ ମହତକୁ ।

ଧନୀ କି ଗରିବ ଜାତି ଭେଦ ଭାବ

ଦୂର କରିଦେବା ମନୁ

ସଭିଏଁ ସମାନ ନୁହେଁ କେହି ଭିନ୍ନ

ଈଶ୍ବରଙ୍କ ସୃଷ୍ଟି ଯେଣୁ ।

ଦୀପ ର ଆଲୋକେ ଆଲୋକିତ ଧରା

ଅନ୍ଧାର ବିଜୟୀ ଆଲୋକ

ଅଧର୍ମ ଆଗରେ ଧର୍ମ ର ବିଜୟ

ଦୀପାବଳୀ ଏକ ପ୍ରତୀକ ।