ଦେଶ ବନ୍ଦନା :ଚିର ବନ୍ଦନୀୟା ତୁହି ମହନୀୟା -ଡକ୍ଟର କୃତ୍ତିବାସ ନାୟକ

ଚିର ବନ୍ଦନୀୟା ତୁହି ମହନୀୟା ଜନନୀ ମୋ ଜନ୍ମଭୂମି,

କୋଟି ସନ୍ତାନର ଜନନୀ ଭାରତ ଧର୍ମଭୂମି ପୁଣ୍ୟଭୂମି |(ଘୋଷା)

ମୂରତି ସଜେଇ ଦୀପଜାଳି ଏଠି ହିନ୍ଦୁ ପୂଜେ ଭଗବାନ,

ମନ୍ଦିରରେ ଶୁଭେ ଶଙ୍ଖ ଧ୍ଵନି ପୁଣି ହରେକୃଷ୍ଣ ହରେରାମ |

ମସଜିଦ ଗୀର୍ଜା ଗୁରୁଦ୍ୱାରେ ପୁଣି ଶୁଭେ ତା'ର ପ୍ରତିଧ୍ୱନି |

ଚିର ବନ୍ଦନୀୟା ତୁହି ମହନୀୟା ଜନନୀ ମୋ ଜନ୍ମଭୂମି |(1)

ମସଜିଦ ଯାଇ ମୁସଲିମ ଭାଇ ପୂଜେ ତା'ର ଆଲ୍ଲା ପୀର,

ପବିତ୍ର କୋରାନ କରେ ଉଚ୍ଚାରଣ ବୋଲେ ଆଲ୍ଲା ଆକବର |

ନମାଜ ପଢି ସେ ଧନ୍ୟ ମଣିଥାଏ ଗାଇ କୋରାନର ବାଣୀ |

ଚିର ବନ୍ଦନୀୟା ତୁହି ମହନୀୟା ଜନନୀ ମୋ ଜନ୍ମଭୂମି |(2)

ଗୀର୍ଜାରେ ଶୁଭେ ଯୀଶୁ ପ୍ରଭୁ ହେ ଉଦ୍ଧାର କରତା ତୁମେ,

ହଜାଇ ଦିଅ ହେ ମଜାଇ ଦିଅ ହେ ତୁମରି ଅମ୍ଲାନ ପ୍ରେମେ |

ସବୁ ଖ୍ରୀଷ୍ଟିୟାନ ମଣିଥାନ୍ତି ଧନ୍ୟ ବାଇବେଲ ବାଣୀ ଶୁଣି |

ଚିର ବନ୍ଦନୀୟା ତୁହି ମହନୀୟା ଜନନୀ ମୋ ଜନ୍ମଭୂମି | 3)