ଦାନ୍ତ

ପଡିଶା ଘରର ଭାଉଜ ମୋହର 

ପାଖକୁ ଡାକିଲେ କରି ଆଦର

କେବେ ଠାରୁ ତୁମ ଦାନ୍ତ ପଡ଼ିଲାଣି

ଦିଶୁନି ମୁହଁରେ ହସ ସୁନ୍ଦର ।।

ନକଲି ଦାନ୍ତଟେ ଲଗାଇ ଦିଅଗୋ

ବୟସ ତ ବେଶି ନୁହେଁ ତୁମର

ଦାନ୍ତ ନାହିଁ ବୋଲି ସମୁଦୁଣୀ ତୁମ

ଫେରାଇ ନନେଉ ମୁହଁ ତାହାର ।।

ଭଲ କଥା ଟିଏ କହିଲ ଭାଉଜ

ଭାବି ମୁଁ ନଥିଲି ମନରେ କେବେ

ସେଥିପାଇଁ ବୋଧେ ସମୁଦୁଣୀ ମୋର

ମୁହଁ ଫେରାଇଛି ଯାଇଛି ଯେବେ ।।

ମୋ ଝିଅ ଶଶୁର ଆସେ ବାରମ୍ବାର

ବୁଝି ମୁଁ ପାରୁଛି କଥା ଗୁମର

ଅସଲ କଥାଟା ରହିଛି ଏଇଠି

ଭାଙ୍ଗି ଦେବି ସ୍ତ୍ରୀ ଦାନ୍ତ ଏଥର ।।