ଚଳନ୍ତିକା

ପଚାଶ ଦଶକେ ବାପା କହୁଥିଲେ-ବୋହୂ ଖୋଜିଦେବି ମୁହିଁ,

ନିଜ ଜାତି କୁଳ ଝିଅ ହେଇଥିବ ତୁ ନ ଦେଖିଲୁ ନାହିଁ |

ଷାଠିଏ ଦଶକେ କହିଲେ-ପୁଅରେ, ନିଜେ ଦେଖି ବାହାହେବୁ,

ସତୁରୀ ଦଶକେ କହିଲେ-ଯୌତୁକ କେତେଦେବେ ବୁଝିନେବୁ |

ଅଶି ଦଶକରେ କହୁଥିଲେ -ତୁହି ଦେଖିବୁ ଓଡ଼ିଆ ଝିଅ,

ନବେ ଦଶକରେ କହିଲେ-ଚଳିବ ହୋଇଥିଲେ ଭାରତୀୟ |

ଦୁଇ ହଜାରରେ କହିଲେ-ବାପାରେ, ଚଳିବ ବିଦେଶୀ ହେଲେ,

ଦଶ ମସିହାରେ କହିଲେ-ଚଳିବ ବୟସ ତା' ବେଶି ହେଲେ |

କୋଡ଼ିଏ ବେଳକୁ କହିଲେ-ପୁଅରେ, ବୁଝିଶୁଝି ଆଗେଇବୁ,

ଆଗ ଛାଡ଼ପତ୍ର ହେଇଛି କି ନାହିଁ କାଗଜକୁ ଦେଖିନେବୁ |

ଏବେ କହିଲେଣି ସାବଧାନ ଥିବୁ ଯେଉଁଠି ରହୁଛୁ ରହ,

ବାହାହେବୁ ସିନା ଆଗ ଦେଖିନେବୁ ସତରେ ଝିଅ କି ନୁହଁ |