ଚିତ୍ର ଚରିତ-16 : ଆମନେତା କହନ୍ତି

ନିଜର ଦୋଷ ନିଜର ଗର୍ବ ଦିଶେନା ସିନା ମୋତେ,

ନିଜର ସ୍ଵାର୍ଥ ନିଜର ସୁଖ ଗୋଟେଇ ଆଣେ ଯେତେ |

ନିଜର କଥା ଲାଗେ ବଢିଆ ନିଜର ଜିଦ ରଖେ,

ନିଜର ପ୍ରାଣ ରହିଲେ ହେଲା ପରକୁ ବିଷ ବିକେ |

ନିଜର ପୁଅ ପାଇଁ ମୁଁ ବ୍ୟସ୍ତ କେମିତି ହେବ ଧନୀ,

ନିଜର ପତ୍ନୀ ପାଇଁ ମୋ ଚିନ୍ତା କେମିତି ହେବ ରାଣୀ |

ନିଜର କୋଠା କରୁଛି ଉଚ୍ଚ ହେବ ଆକାଶ ଛୁଆଁ,

ନିଜର ଯଶ ବାନା ଉଡ଼ାଏ ଲାଗିଲେ ଲାଗୁ ନିଆଁ |

ନିଜର ନାମେ ମନ୍ଦିର ହେଲା ଅମର ହେବାପାଇଁ,

ନିଜର ମୂର୍ତ୍ତି ତିଆରି କରି ବସାଇ ଦେବି ମୁହିଁ |

ନିଜର ଜାତି ଦେଶର କଥା ଯାଇଛି ପୂରା ଭୁଲି,

ନିଜର ଦଳ ନାମକୁ ଜପେ ମାର ସବୁଙ୍କୁ ଗୁଲି |