ବରଷା କୁ ଭାରି ଡର

ବରଷାକୁ ଭାରି ଡର

ବରଷାକୁ ଭାରିଡର ମୋ ପ୍ରିୟାର 

   ଏକାଏକା ରହି ପାରେନା

ବରଷା ଆସିଲେ ପ୍ରାଣ ସଜନୀ ମୋ 

   ଏକା ରହିବାକୁ ଚାହେଁନା

ଝରିଲେ ବରଷା ଝରଝର ତାନେ 

    ପ୍ରିୟା ମୋ ହୁଅଇ ଅଧିର

ଘଡ଼ଘଡି ରଡି ବିଜୁଳି ଚମକ 

   ହରିନିଏ ଚେତା ତାହାର

କି ଲାଗି ଡରେ ସେ ବରଷାକୁ ଏତେ 

   ପଚାରିଲେ କରେ ବାହାନା

ବରଷାକୁ ଭାରିଡର ମୋ ପ୍ରିୟାର 

   ଏକାଏକା ରହି ପାରେନା

ମୋ ଦେହରେ ଆସି ଆଉଜିଯାଏ ସେ 

   ବରଷା ଆସିବା ଶୁଣିଲେ

ଲତାଟିଏ ପରି ଭିଡି ଧରେ ମୋତେ 

   ଡରନା ବୋଲି ମୁଁ କହିଲେ

ବରଷାକୁ ଭାରିଡର ମୋ ପ୍ରିୟାର 

   ଏକାଏକା ରହି ପାରେନା

ବରଷା ଆମର ମିଳନର ଋତୁ 

   ଏ କଥା କେବେ ସେ କହେନା