ଲାଇବ୍ରେରୀ
ପ୍ରୋଫାଇଲ୍
ଭିଜା ମାଟି
ଭିଜା ମାଟି
1 min
296
ଭିଜା ମାଟି
ଗ୍ରୀଷ୍ମ ଅବସାନେ ବର୍ଷା ଆଗମନେ
ଭିଜା ଭିଜା ମାଟି ଭିଜା ଭିଜା ସ୍ୱପ୍ନେ
ସୁପ୍ତ ମେଦିନୀ ନୁଆ ଉନ୍ମାଦନେ
ପୁଲକତା ଭରିଯାଏ ପ୍ରତି କୋଣେ. ll
ଆଦ୍ୟ ବାରିଧାରା ଟାଙ୍ଗଣ ଭୂଇଁରେ
ଉଷ୍ମତା ଉଭାଏ ଅଚିରେ ଅଚିରେ.
ଭିଜିଯାଏ ମାଟି ମତୁଆଲା ହୋଇ
ବିରହୀ ପ୍ରେମିକା ରହିଥିଲା ଚାହିଁ. ll
ମାଟି ବରଷାର ପ୍ରଣୟ ଧାରେ
ସ୍ପର୍ଶେ ବରଷାର ଧରା ବିଭୋରେ.
ଭିଜିଯାଏ ତନୁ ପ୍ରତି କ୍ଷଣେ କ୍ଷଣେ
ଖୁସି ବୀଜ ବୁଣେ ପ୍ରତି ପ୍ରାଣେ ପ୍ରାଣେ. ll
ଭିଜା ଭିଜା ମାଟି ବାସ୍ନାକୁ ପରଖି
ବୀଜେ ଅଙ୍କୁରୋଦଗମ ହୁଅଇ ସଳଖି.
ଉଦର ରକ୍ଷକ କୃଷକ ଉଷତ
ମନେ ମନେ ଧରା ହୁଏ ଆଲ୍ଲାଦିତ.ll
ଶ୍ରୀହୀନ ଧରା ଉତଫୁଲ ନୟନେ
ଘାସ ବୃକ୍ଷଲତା ପଲ୍ଲବିତ ବନେ.
ସୌନ୍ଦଯ୍ୟେ ସୌନ୍ଦର୍ଯ୍ୟ ସବୁଜ ବରନେ
ଶ୍ୟାମାଙ୍ଗି ହୋଇବ ଧରା ତ୍ରିଭୁବନେ. ll
