ଭାରି ସେ ଏଡ଼େ ଜଣେ
ଭାରି ସେ ଏଡ଼େ ଜଣେ
ଚୁନ୍ ମୁନ୍ ଖଇର କାତି
ଆଈମା' କୋଳେ ଝୁଲୁଛି ନାତି
ଗେହ୍ଲି ନାତୁଣୀ ତେଣେ;
ନାଚି ଡେଇଁକି ଘର କମ୍ପାଏ
ଭାରି ସେ ଏଡ଼େ ଜଣେ !!
ରୋଷେଇ ଘରୁ ପରିବା ଆଣି
ଏଣେ ତେଣେ ସେ ଫୋପାଡ଼େ ଗଣି
ଆକଟିଲେ କେ କହେ;
"ମିଶେଇ-ଫେଡ଼ି ହିସାବ କରେ
କେତେ ଯାଏ ବା ରହେ ।"
ଜେଜେଙ୍କ ଗଳେ ଓହଳି ପଡ଼ି
ଛଡ଼ାଏ ସିଏ ଚଷମା ଘଡ଼ି
ନ ଦେଲେ ଯାଏ ରୁଷି;
ଚୁଉପକିନା ଚୁଟିକୁ ଟାଣି
ପଳାଏ ସେଠୁ ଖସି ।
ଆଈଙ୍କ ସଙ୍ଗେ ଲାଗଇ ଗେଲ
"ଆଖି ବୁଜନା ଆଣିଛି ତେଲ
ଲଗାଇ ଦେବି ମୁଣ୍ଡେ;
ଉକୁଣି ଆଉ ହେବେନି ଜମା"
କହି ଦେଇ ସେ ଭଣ୍ଡେ ।
ବାସନା ତେଲ ଲଗାଇ ଦେଇ
ସ୍ନୋ ପାଉଡର ଦିଏ ମଖାଇ
ଓଠରେ ନାଲି ବୋଳି;
କହଇ-"ଏବେ ଆଖିକୁ ଖୋଲ"
ଖୁସିରେ ମାରି ତାଳି ।