ଭାଗ୍ୟ ଵିଧାତା

ଟିକିଏ ଅସାଵଧାନତା 

ପୁଣି ଅମାନବିକତା 

ଆଉ ସର୍ବୋପରି ନିଷ୍ଠୁରତା 

ଭିତରେ ବିଶ୍ୱାସ ନିଃଶ୍ୱାସର 

ଆସିବ କେଉଁଠୁ ମହନୀୟତା 

ସେଥିରେ ଭାଗ୍ୟର ଖେଳ 

ଆଉ ଜୀବନ ଜଞ୍ଜାଳ 

ତା ଭିତରେ ଅସର୍ତକ ମୁହୂର୍ତ୍ତର ବେଳ 

ବେଳେ ବେଳେ ଦଇବର କରାଳ 

ଏ ସବୁ ଭିତରେ ଲୋଡ଼ା ଟିକିଏ ସହୃଦୟତା 

ହେ ସୂର୍ଯ୍ୟ ଛାୟାକାନ୍ତ 

ଅସମାପ୍ତ ଦିଗନ୍ତ 

ଏକମାତ୍ର ସୂତ୍ର 

କହିଦିଏ ବଞ୍ଚିବାର ଭିନ୍ନ ଭିନ୍ନ କଥା 

ସର୍ବେ ଭବନ୍ତୁ ସୁଖିନଃ 

ସର୍ବେ ସନ୍ତୁ ନିରାମୟ 

ଜନଗଣମନଅଧିନାୟକ ଜୟ 

ଆଣିଦେଉ ଜୀବନର ପୃଷ୍ଠପୋଷକତା 

ଜୀବନଟା ଲାଗୁ ଜୀବନ୍ତ ଜୀବନ୍ତ 

ସର୍ବେ ହୁଅନ୍ତୁ ଆଶ୍ୱସ୍ତ ବହୁତ 

ଜ୍ଞାନ ବୁଦ୍ଧି ବିବେକର ମନ୍ତ୍ର 

ଅନ୍ତତଃ ଦେଖାଉ ଜୀବନ ବଞ୍ଚିବାର ରାସ୍ତା.