ବଦନାମ ଗଳି

ଉପ ଗଳିର ମୁଁ ରୂପ ନାୟିକାଟେ

         ଉପହାସ ଦେଲି ଗିଳି ,

ମୋ ଘର ଠିକଣା କାହାକୁ ଅଜଣା

          ପ୍ରିୟ ବଦନାମ ଗଳି ।

ଚୁଲୁବୁଲି ଝିଅ ସଭିଙ୍କର ପ୍ରିୟ

         ବାଣ୍ଟୁ ଥିଲି ଫୁଲ ତୋଳି ,

ଅଜାଣତେ କେବେ ଦେହ ବିକି ଦେଲି

           ଆସି ବଦନାମ ଗଳି ।

ବହୁ ନାମୀ ଦାମୀ ପ୍ରତିଷ୍ଠିତ ବ୍ୟକ୍ତି

          ଯେଉଁଠି ଯାଅାନ୍ତି ଢଳି,

ସେଇଠି ମୋ

Advertisement

ଘର ସୁଖ ସ୍ବର୍ଗ ପୁର

           ନାଆଁ ବଦନାମ ଗଳି ।

ଜାତି ଧର୍ମ ବର୍ଣ୍ଣ ଜାଣେ ନାହିଁ କିଛି

           ସଭିଙ୍କର ଗଳାମାଳି ,

ଧନୀ ମାନୀ ଜ୍ଞାନୀ ସଭିଏଁ ଖୋଜନ୍ତି

           ଏହି ବଦନାମ ଗଳି ।

ସରକାରଙ୍କର ବାରଣ ସତ୍ତ୍ବେ ବି

          ବୁଝେନି ପାଗଳ ଅଳୀ ,

ସଂଜ ନଇଁ ଗଲେ ନାଲି ପାଣି ସାଥେ

          ଖୋଜେ ବଦନାମ ଗଳି ।