ବଡ଼ଦାଣ୍ଡ ,,,,,,,,,,,,,,

ନିଶ୍ୱାସର ଗହଳି ନୁହେଁ ସେ

ବିଶ୍ୱାସର ଲମ୍ବା ଧାଡି 

ପିଲାଛୁଆ ବୁଢାବୁଢ଼ୀ ଯୋଡିଯୋଡି 

ଧରି ଗଣ୍ଠିଲି ପୁଟୁଳି ପେଡି

ନେତ୍ର ପବିତ୍ର କରିବାକୁ ଏଠି ସେଠି ପଡି 

ଟଙ୍କ ତୋରାଣୀ ଅବଢ଼ା ନିର୍ମାଲ୍ୟ କଣିକା 

ଖାଇ ପାଇ ପୁଣି ଭିଡାଭିଡି 

ପାଟି ପୁରିଥିଲେ ପେଟ ପୁରୁନି ମନ ଭରୁନି 

କହୁଣୀରେ ଗୁଡ଼ ବୋହି ନେଡି 

ହାତ ଭାତ ପତ୍ର ପୁଟୁଳି ଛାଡି 

ଅପେକ୍ଷାର ଧାଡି ଯାଏ ମନ ଉଡି 

କାଳିଆ ସାଆନ୍ତ ମନ ନେଇଛି କିଣି 

କାହାକୁ ଦେଇଛି କେତେ ଯେ ଗଉଣୀ 

ଆଣିଛି ଭିଡି ବଡ଼ଦାଣ୍ଡେ ଭକ୍ତ ରହିଛି ପଡି 

ବାସ ଭବନ ଭୁବନ ଜଗା ଦାନକୁ ଛାଡି 

ଆସୁ ବରଷା ବିଜୁଳି ଘଡଘଡି 

ଭକ୍ତ କାନ ଡେରିଅଛି ଶୁଣିବ ଘିଡ଼ି ଘିଡ଼ି 

ରଥ ପଥ ଜଗନ୍ନାଥ ଆସିବେ ଭିଡି ଦଉଡି 

ପାପ ଯିବ ଛାଡି ପୁଣ୍ୟ ଗଣ୍ଠିଲି ପେଡି 

ନେଇ ଯିବ ଭକ୍ତ ସେଇତ ମୋକ୍ଷ କଉଡ଼ି 

ଆଗେ ଆସୁଥିଲା ଛୁଟି ଶଗଡି ଗାଡି 

ଏବେ ବସ ଟ୍ରେନରେ ହୁଇସିଲ ଛାଡି 

ଭକ୍ତ ଆସେ ଭିଟାମାଟିରେ ମାଟମାଆ ଛାଡି 

ଦଇବ ଦଉଡି ରଥ ଟାଣିବାକୁ ଆଣିଛି ଭିଡି 

ବିଞ୍ଚି ବିଞ୍ଚି ଯିବ ଖଇ କଉଡ଼ି 

ନାତି ନାତୁଣୀଏ ଦେଖି ନାଲିବାଡି 

ଜେଜେ ଓ ଜେଜୀର ଖୋଲନ୍ତି ପେଡି 

କେ କାହୁଁ ବୁଝିବ ପୁଟୁଳିପେଡିରେ ରହିଛି ପଡି 

ଦର୍ଶନର ପୁଣ୍ୟ ପ୍ରସାଦ ଅନ୍ନ ପୁଣି ପୁଣ୍ୟଖଡ଼ି

ଲେଖିଲେ ସେଥିରେ ପାପ ଯିବ ଛାଡି

ଯୋଡି ହୋଇଯିବ ଛିଣ୍ଡା ସମ୍ପର୍କ ଦଉଡ

ପାପ ଲତା ଉପୁଡି ପୁଣ୍ୟଗଛରେ ଉଡ଼ିବ ଗୁଡ଼ି