ବାପାଙ୍କ ଚିଠି

ବାପା ଦେଉଥିଲେ 

ପ୍ରତି ସପ୍ତାହରେ

ପୋଷ୍ଟ କାର୍ଡଟିଏ 

ଲେଖୁ ଥିଲେ

ହଷ୍ଟେଲରେ ଅଛୁ

ଥକ୍କିବୁନି ଲଢୁ଼ଥିବୁ

ହାରିବା ଜୀବନର ଲକ୍ଷ୍ୟ ନୁହେଁ 

ବେଳେବେଳେ ଭାଇ

ଆକଟ କରୁଥିଲେ

କାଳେ ଆଉକାହା

ଶ୍ରଦ୍ଧାରେ ଛନ୍ଦିହୋଇଯିବି

ସ୍ନେହ କାଙ୍ଗାଳ ହେବା

ଜୀବନର ଖୋଲାପଣ ନୁହେଁ 

ହାତକୁ ଆସୁଥିବା ନୀଳପତ୍ର

ସବୁ କେମିତି ଏକ

ଅଜବ୍ କାଇଦାରେ 

ସେ ଗୋଟି ଗୋଟି କରି

ପଢି଼ ଶିଖିଥିଲେ

ଚିଠିର ଉଦ୍ଦେଶ୍ୟ

ଯାହା  ଠିକ୍ ଲାଗୁଥିଲା

ମୋ ହାତକୁ ଦେଉଥିଲେ

ସବୁକଥା ସ୍ମୃତି ହେଲାପରେ 

ଚିଠି ପାଇଁ ସପ୍ତାହଟିଏ 

ଆଉଥରେ ମାର୍ଜିତ ରୁଚିରେ

ଚିଠିଟେ ଲେଖିବା 

କଷଣରେ ପଡ଼ିଗଲେ

ପକେଟ୍ ରୁ କାଢ଼ି 

ଚୁପଚାପ୍ ଏକା ପଢୁଥିବା

ଥର ଥର କରି

ସାଥିଟିକୁ ସବୁକହିଦେବା

ଚିଠିରେ ଚିଠିରେ 

ଜୀବନର ଶେଷ ସମୟ ଯାକେ

ସିନ୍ଧୁକ ଭିତରେ 

ଚିଠିଟିଏ ଲୁଚେଇ ରଖିବା

ଚାଲ ଏଥର

ଚିଠିଟେ ଲେଖିବା