ଅପଦାର୍ଥଟା
ଅପଦାର୍ଥଟା
କ'ଣ କହିବି ?
ଯେଉଁ କଥା ସବୁର କିଛି ମୂଲ୍ଯ ନାହିଁ
ସେ କଥା ନକହି ଚୁପ୍ ରହିବା ଟା ହିଁ ଭଲ ।
ତୁମ ପାଇଁ ତ ମୁଁ ଅପଦାର୍ଥଟିଏ
ତେବେ ପୁଣି କାହିଁକି ଅପେକ୍ଷା କର
କି ମୁଁ କିଛି ଆଗ କହେ ,
ହାତ ବଢ଼ାଏ ବୋଲି ?
ଚାଲୁ ଯେତେ ଦିନ ଚାଲୁଛି ଏଇମିତି ....!
ଅଛିଣ୍ଡା ନୀରବତା ର ମଝିରେ ମଝିରେ
ବ୍ୟର୍ଥତା ଭରା ଦୀର୍ଘ ନିଃଶ୍ବାସ..!
କେବେ ଏପଟୁ ତ କେବେ ସେପଟୁ
ଯେମିତି ଅଲଂଘ୍ଯ ଅତୁଟ ପାଚେରୀକୁ
ଭାଙ୍ଗିବାର ଏକ ଶୀତଳ ବୃଥା ପ୍ରୟାସ ଚାଲିଛି ।
ତଥାପି ଫୋନ୍ ଚାଲିଥିବ ....
ଦୁହିଁଙ୍କ ଆଖିରେ ନିଦ ନଆଶିବା ଯାଏଁ ।
ଅହରହ ଘାଣ୍ଟି ଚକଟି ହେଉଥିବା
ଏ ଅଣନିଃଶ୍ବାସୀ ହୃଦୟ ,
କୂଳ ଲଙ୍ଘିବାରେ ବିଫଳ ବ୍ୟଥିତ ଲହରୀ ପରି
ଏ ଅଶାନ୍ତ ମନ ଆଉ କେବେ କ'ଣ
ଶାନ୍ତିରେ ଘଡ଼ିଏ ଶୋଇ ପାରିବ
ବଞ୍ଚିଥିବା ଯାଏଁ ,
ଶେଷ ଦୀର୍ଘ ନିଃଶ୍ବାସ ଛାଡ଼ିବା ପୂର୍ବରୁ ?
ସତରେ ଅପଦାର୍ଥଟା .......।