ଅଜବ ପ୍ରଶ୍ନ
ଅଜବ ପ୍ରଶ୍ନ
ମନ ଚାହୁଁ ନ ଥାଏ
ହୃଦୟ ଖୋଲିବାକୁ
ଆଉ କା' ଆଗରେ
ହେଲେ,
କିଏ କାଳେ ମୋତେ ନେଇ
ପ୍ରଶ୍ନ ଉଠେଇବ, ସେହି ଭୟରେ
ମନକୁ ମାରି ଚେଷ୍ଟାକରେ
କିଛି କ୍ଷଣ ନିଜକୁ
ଦେଖିବାକୁ ଆଉ କାହା ସାମ୍ନାରେ ।
ମନେ ପକଉଥିବା ମନ
ସମୟ ବାଣ୍ଟିବାକୁ ଚାହୁଁଥିବା ହୃଦୟ
ନିରାଶ ନ ହେବାକୁ ଚେଷ୍ଟା କରେ
କିନ୍ତୁ ପାରେନି କେତେକ
ଅବୁଝା ମଣିଷ ପାଖରେ
ନିଜର ପରିଚୟ ଶୂନ୍ୟ ପରିଚୟ ରଖି ।
ପଚାରେ,
ଏ କି ଅଜବ ପ୍ରଶ୍ନ !
ତମଠୁ....
କିଛି କ୍ଷଣର ବ୍ୟବଧାନ ପରେ
ଏ ଦୁନିଆ ଖୁବ ଅଜବ ସତରେ
ଭାବୁଥିବା ମନ, ନିରବି ଯାଏ
ଖୋଜୁଥିବା ଆଖି ଦେଖିବାକୁ ନ ଚାହେଁ
ଆଲିଙ୍ଗନ କରିବାର ଆଶାରେ ଦୁଇହାତ
ପଥର ପାଲଟି ଯାଏ ।।