ପରିବର୍ତ୍ତନର ପଦଧ୍ବନୀ

ପରିବର୍ତ୍ତନର ପଦଧ୍ବନୀ ଆଜି

ଗୁଞ୍ଜି ଉଠିଲାଣି ସାରା ବିଶ୍ବରେ, 

ପ୍ରଗତି ସହିତ ପାଦକୁ ମିଳାଇ

ଦୁନିଆ ବଦଳେ ଦ୍ରୁତ ଗତିରେ ।

ପରିବର୍ତ୍ତନର ଦୁନିଆରେ ଏବେ

ଚାଲିଛି ବଜାର ପ୍ରତିଯୋଗିତା, 

ଉତ୍ତମ ମାନ ଓ ଗୁଣବତ୍ତା ସତ୍ବେ

ଉତ୍ପାଦର ଘଟେ ଆବଶ୍ଯକତା ।

ପ୍ରାଧାନ୍ଯ ବିସ୍ତାର କରିଥିଲା ଦିନେ

କୋଡାକ୍ କମ୍ପାନୀ ଫଟୋ ବେପାର, 

କିଛି ବର୍ଷ ମଧ୍ଯେ ଦେବାଳିଆ କଲା

ଡିଜିଟାଲ ଫଟୋଗ୍ରାଫି ବଜାର ।

ଦିନ ଥିଲା ଯେବେ ସମଗ୍ର ବିଶ୍ବରେ

ପିସିଓ ବୁଥର ଚାହିଦା ଥିଲା, 

ମୋବାଇଲ ଫୋନ୍ ପ୍ରଚଳନ ପରେ

ବୁଥର ଅକାଳ ଅନ୍ତ ଘଟିଲା ।

ଏଚ୍ଏମଟିର ଘଡି ବଜାଜ୍ ସ୍କୁଟର

ମର୍ଫି ରେଡିଓ ବା କୋଣାର୍କ ଟିଭି, 

ଏମିତି ଅନେକ ଉନ୍ନତ ଶିଳ୍ପର

ବଜାରେ ଅସ୍ତିତ୍ବ ଯାଇଛି ଲିଭି ।

ଧାରଣା ମିଳୁଛି ଦଶବର୍ଷ ମଧ୍ଯେ

ଆସିବ ଚତୁର୍ଥ ଶିଳ୍ପ ବିପ୍ଳବ, 

ଆଜିର ବିଶ୍ବର ଅଶି ଭାଗ ଶିଳ୍ପ

ଲାଗୁଛି ସତେକି ଉଭେଇ ଯିବ ।

ଆପ୍ଲିକେସନ୍ ବା ପ୍ରୟୋଗ ଯୁଗରେ

ଭରସାଯୋଗ୍ୟ ହେବ କମ୍ପ୍ୟୁଟର, 

ବିଲୁପ୍ତ ହୋଇବ ଭୌତିକ ଅସ୍ତିତ୍ବ 

ସବୁ ସେବା ହେବ ଅତି ସରଳ ।

ରୋଗର ହୋଇବ ସଫଳ ନିର୍ଣ୍ଣୟ

ପାଠପଢା ହେବ ବିଶ୍ବ ସ୍ତରୀୟ, 

ହାଇବ୍ରିଡ୍ ଗାଡି ରାସ୍ତାରେ ଗଡିବ

ଉତ୍ତମ ଆଇନ୍ ହେବ ସହାୟ ।

ଡେରି ନାହିଁ ଯେବେ ବାହାନ ଚାଲିବ

ବିନା ଡ୍ରାଇଭର ବନା ତେଲରେ, 

ନା ଥିବ ଟ୍ରାଫିକ୍ ନ ରହିବ ପାର୍କିଂ

ଦୁର୍ଘଟଣା ଦେଖିବନି ଆଖିରେ ।

ଅନଲାଇନ ବୁକିଂ ପର୍ଚେଜ୍ ରିଚାର୍ଜ

କରୋବାର କରେ ଅତି ସୁଗମ, 

ପେମେଣ୍ଟସ୍ ଆପ୍ ରେ ଅର୍ଥ ନେଣଦେଣ

ଡିଜିଟାଲ୍ କରେନ୍ସି ପ୍ରଚଳନ ।

କମ୍ପ୍ୟୁଟର ଆଉ ଇଣ୍ଟରନେଟର

ଜ୍ଞାନରେ ହେଉଛି ଯୁଗ ସମୃଦ୍ଧ

ପଦଧ୍ୱନି ସହ ତାଳ ଦେଇ ଚାଲ

ମିଳିବ ପରିବର୍ତ୍ତନର ସ୍ବାଦ ‌।