ଆଉ କିଛି ବାକି ରହିଯାଏ

ଇଚ୍ଛାରେ ସମ୍ପୂର୍ଣ ମଣିଷ ଜୀବନ 

ଇଚ୍ଛା ପାଇଁ ଆଜି ଚଞ୍ଚଳ ଏ ମନ l

କିଛି ଇଚ୍ଛା ପୁରା ହୁଏ 

ଆଉ କିଛି ଇଚ୍ଛା ବାକି ରହିଯାଏ ll

ଜୀବନଟା ଛୋଟ ଚଢେଇଟିଏ 

କେତେଆଶା ମନେ ସଞ୍ଚିତ ଥାଏ l

କିଛି ଆଶା ପୁରା ହୁଏ 

ଆଉ କିଛି ଆଶା ବାକି ରହିଯାଏ ll

ମଣିଷ ଜୀବନ ସୁଦୂର ନହୋଇ 

ଯାତ୍ରା ବଡ ହେଲେ ଜୀବନ ନଥାଇ l

କେବେ ଜୀବ ଚାଲିଯାଏ 

ଆଉ କିଛି ଯାତ୍ରା ବାକି ରହିଯାଏ ll

କାହିଁ ଗଲା ଏବେ ସେ ପିଲାଦିନ 

ଖେଳ ନାଚ କୁଦ ଖୁସିରେ ମନ l

ପିଲାଦିନ ଚାଲିଯାଏ 

ଆଉ କିଛି ଖୁସି ବାକି ରହିଯାଏ ll

କିଶୋର ଅବସ୍ଥା ଏଣେ ତେଣେ ମନ 

ମନେ ଭାବୁ ନୂଆ କିଣିବାକୁ ଯାନ l

କିଶୋର ବି ହଜିଯାଏ 

ଆଉ କିଛି ଭାବନା ବାକି ରହିଯାଏ ll

ପାଠ ପଢିବାକୁ କଲେଜ ମାଡିଲୁ 

କୁସଙ୍ଗରେ ପଡି ପାଠକୁ ଛାଡିଲୁ l

ଭବିଷ୍ୟତ ନଷ୍ଟ ହୁଏ 

ଆଉକିଛି ପାଠ ବାକି ରହିଯାଏ ll

ଟଙ୍କା ପାଇଁ ଆସି ବିଦେଶରେ ଖଟୁ 

ଖରା କାକରରେ ଦିନ ରାତି କଟୁ l

ଘରକଥା ମନେ ପଡେ 

ଆଉ କିଛି କଥା ବାକି ରହିଯାଏ ll

ପତ୍ନୀ ପିଲା ଛାଡି ବିଦେଶେ ବସିଲୁ 

ଟଙ୍କା ପାଇଁ ଆସି ଦାଦନ ଖଟିଲୁ l

ଜୀବନୁ ଶାନ୍ତି ହଜିଯାଏ 

ଆଉ କିଛି ଶାନ୍ତି ବାକି ରହିଯାଏ ll

ଏପରି କଷ୍ଟରେ ଦିନ ବିତିଯାଏ 

ବୟସ ଆଣି ବୃଦ୍ଧରେ ସଜାଏ l

କଳାକେଶୁ ଜୀବଚାଲିଯାଏ 

ଆଉ କିଛି ବୟସ ବାକି ରହିଯାଏ ll

ଏକତରଫା ପ୍ରେମକୁ ଦୁଇ ତରଫା କରିଲ

ପ୍ରେମଦୀପେ ଏକା ଜଳୁଥିଲି ମୋ ସାଥେ ଜଳିଲ l

ସେହି ପ୍ରେମଆଜି ମନେପଡେ 

ଆଉ କିଛି ପ୍ରେମ ବାକି ରହିଯାଏ ll

ସ୍ୱପ୍ନ ବଡ ହେଲେ ରାତିଟି ଛୋଟ 

ସ୍ୱପ୍ନ ଦେଖୁଥାଏ ସରିଲା ବାଟ l

ଅଧାସ୍ୱପ୍ନ ଭାଙ୍ଗିଯାଏ 

ଆଉ କିଛି ସ୍ୱପ୍ନ ବାକି ରହିଯାଏ ll

ଜୀବନ ସମ୍ପୂର୍ଣ୍ଣ ଭରିଛି ସ୍ମୃତିରେ  

କିଛି ସ୍ମୃତି ମୁହିଁ ସାଉଁଟେ ହାତରେ l

କିଛି ସ୍ମୃତି ହଜିଯାଏ 

ଆଉ କିଛି ସ୍ମୃତି ବାକି ରହିଯାଏ ll

ଦଇବ ଦଉଡି ମଣିଷ ଗାଈ 

ଯେଣିକି ଟାଣଇ ଶେଣିକି ଯାଇ l

କିଛି ଆମ ହାତେ ନଥାଏ 

ଜୀବନେ ସବୁ କିଛି ବାକି ରହିଯାଏ ll