ଅଟେ ମିଛ ମାୟା ସଂସାର

ମାଆ ବୁଝେ ମନ ଡାକୁଥାଏ ଧନ

ଚିନ୍ତା ଥାଏ ପୁଅ ପେଟର 

ସେହି ମାଆକୁ ତୁ ପାଦେ ଆଡେଇଲୁ

ଅଟେ ମିଛ ମାୟା ସଂସାର ll1ll 

କରୁଣାମୟୀ ମା ସବୁବେଳେ ସାହା

ଦୁଃଖ ଦେଖେନାହିଁ ତୋହର 

ପତ୍ନୀ ପାଇ ତୁହି ଭୁଲିଛୁ ମାଆକୁ

ଅଟେ ମିଛ ମାୟା ସଂସାର ll2ll

ନିଜ ଖୁସି ପାଇଁ ମେଳା ଦେଖି ଯାଉ

ବସି କାନ୍ଧରେ ତୁ ଯାହାର 

ଧନୀ ହୋଇ ତୁହି ବାପାଙ୍କୁ ନ ଲୋଡୁ

ଅଟେ ମିଛ ମାୟା ସଂସାର ll3ll

ତୋର ଭାଇ ଦିଏ ଖଟି କରି ଟଙ୍କା

ଯେତେ ଦରକାର ତୋହର 

ସ୍ତ୍ରୀ ପାଇଁ ତୁହି ଭୁଲି ଗଲୁ ଭାଇ

ଅଟେ ମିଛ ମାୟା ସଂସାର ll4ll

ନିଜେ ଅଧା ଖାଇ ତୋତେ ଅଧା ଦେଇ

 ଅଧା ପେଟ ବୁଝେ ତୋହର 

ହେଲେ ହେଁ ସେ ପର ଭଉଣୀ ସେ ତୋର 

ଅଟେ ମିଛ ମାୟା ସଂସାର ll5ll

ଯାର ସ୍ନେହ ଶ୍ରଦ୍ଧା ପାଇତୁ ବଢିଲୁ

କେଡେ ସୁନ୍ଦରସେ ପରିବାର 

ଚାକିରୀ ପାଇତୁ ତାକୁ ଗଲୁ ଭୁଲି

ଅଟେ ମିଛ ମାୟା ସଂସାର ll6ll

ଗର୍ବ କରିଥାନ୍ତୁ ବହୁତ ସୁନ୍ଦର

ପାଇଛୁ ତୁ ପରିବାର 

ତାକୁ ଛାଡି ଟଙ୍କା ମୋହରେ ପଡ଼ିଲୁ

ଅଟେ ମିଛ ମାୟା ସଂସାର ll7ll

ଯେଉଁ ଗାଆଁ ପାଣି ପାଇତୁ ବଢ଼ିଲୁ

ଯେଉଁ ସ୍ପର୍ଶ ପାଇ ମାଟିର 

ବିଦେଶେ ରହିଲୁ ଗାଆଁକୁ ଭୁଲିଲୁ

ଅଟେ ମିଛ ମାୟା ସଂସାର ll8ll

ଯେ ଦେଶକୁ ଯିବୁ ସେ ଫଳ ଖାଇବୁ

ପାଇବୁନି ଫଳ ଗାଆଁର 

ନିଶ୍ଚିତ ଝୁରିବୁ ତୋହରି ଗାଆଁ କୁ

ଅଟେ ମିଛ ମାୟା ସଂସାର ll9ll

ଯାର ପାଖେ ପାଠ ପଢ଼ୁଥିଲୁ ତୁହି

ଆଜି ତାଙ୍କୁ ଡାକୁ ମାଷ୍ଟର 

ମନରେ ନାହିଁ ତୋ ଟିକିଏ ସମ୍ମାନ

ଅଟେ ମିଛ ମାୟା ସଂସାର ll10ll

କିଏ ଦେଖେ ଭେକ କିଏ ଦିଏ ଭିକ

କିଏ ବୁଝେ ଭୋକ ଦୀନର 

ପେଟ ପାଇଁ ଏଠି ସବୁ ନାଟ ଲାଗେ

ଅଟେ ମିଛ ମାୟା ସଂସାର ll11ll

ସବୁ ଅବଦାନ ତୁଚ୍ଛ ହୋଇଗଲା

ମୂଲ୍ୟ ବଢିଗଲା ଟଙ୍କାର 

ଭୁଲି ମାଟି ପାଣି ଭୁଲୁ ସ୍ନେହ ଶ୍ରଦ୍ଧା

ଅଟେ ମିଛ ମାୟା ସଂସାର ll12ll

ସବୁ ଭୁଲିଯାଇ ଫେରିଆସେ ତୁହି

ଲେଉଟେତୁ କୋଳ ମାଆର 

ସଭିଏଁ ଉଦାର କ୍ଷମା କରିଦେବେ   

ଅଟେ ମିଛ ମାୟା ସଂସାର ll13ll

ସେହି ସ୍ନେହ ଶ୍ରଦ୍ଧା ଫେରିତୁ ପାଇବୁ

ତ୍ରୁଟି ଧରିବେନି ତୋହର 

ଭୁଲିବୁ ଟଙ୍କାର ମୋହ ଓ ମାୟା କୁ

ଅଟେ ମିଛ ମାୟା ସଂସାର ll14ll

ମୁହିଁ ଯେ ଅଧମ ଅଳ୍ପ ଜ୍ଞାନୀ ଶିଶୁ

ତ୍ରୁଟି ଧରିବନି ମୋହର 

ଭୁଲ ଥାଇପାରେ ମୋର କବିତାରେ

ଅଟେ ମିଛ ମାୟା ସଂସାର ll15ll