ଆତ୍ମନିର୍ଭର
ଆତ୍ମନିର୍ଭର
ଡର ନାହିଁ ମନେ ଦୃଢ଼ ସାହସ
ମଥାରେ ପଗଡ଼ି ମୁଖରେ ହସ ।
ଦେଶ ହିତ ପାଇଁ କରିବା ଚାଷ
ନ ହୋଇବା ଆମେ କେବେ ନିରାଶ।
ଜନ ଶୂନ୍ୟ ଅଟେ ଆଜି ସହର
କରୋନା କରିଛି ବେ ରୋଜଗାର ।
ଗାଆଁକୁ ଫେରିଛି ଗରିବ ପୁଅ
ଆଖିରେ ତାହାର ଭରିଛି ଲୁହ ।
ବାପା ଭାଇ ସହ କରିବା ଚାଷ
ଶସ୍ୟ ଭରା ହେବ ଆମରି ଦେଶ ।
ନିଜକୁ କରିବା ଆତ୍ମନିର୍ଭର
ଆଉ ନ ରହିବ ମନରେ ଡର ।
ଜୀବନକୁ ଦେବା ବାଜି ଲଗାଇ
ହସ ଭରି ଦେବା ସବୁରି ପାଇଁ ।
ହସିବ ଏ ଦେଶ ହସିବ ଗାଆଁ
କର୍ମ କରିବାକୁ ଡରିବା କିଆଁ ।