ଲାଇବ୍ରେରୀ
ପ୍ରୋଫାଇଲ୍
ଆମେ କୁନିକୁନି କୁସୁମ କଳି
ଆମେ କୁନିକୁନି କୁସୁମ କଳି
1 min
298
ନୂଆ ଯୁଗ ନୂଆ ସୁନାର ଭାରତେ
ଆମେ କୁନିକୁନି କୁସୁମ କଳି
ଆମ କୁନି ହାତେ ଦିଗଚଉଦିଗେ
ନୂଆ ରଙ୍ଗ ଆମେ ଯିବୁରେ ବୋଳି ...
ଆମ ମିଠା ଗୀତ ମଧୁର ସ୍ବରରେ
ସବୁ ମନ ଆମେ ନେବୁରେ କିଣି
ନୂଆ ବାଟ ଆମେ ସଭିଙ୍କୁ ଦେଖାଇ
ସାରା ଦୁନିଆକୁ ଯିବୁରେ ଜିଣି
ଆମରି ପରସେ ଅନ୍ଧାରୀ ମୂଲକେ
ଜ୍ଞାନର ଆଲୋକ ଉଠିବ ଜଳି ....
ଲଢିବୁ ବଢିବୁ ନିଜକୁ ଗଢିବୁ
ସମୟ ସାଥିରେ ଲଗାଇ ବାଜି
ସପନକୁ ଆମ ସଜାଇ ଦେବୁରେ
ନିତି ନୂଆନୂଆ ଠିକଣା ଖୋଜି
ଆମ କାହାଣୀର ନୂଆ ଚାହାଣୀରେ
ମହକିବ ମାଟି ମହକ ଢାଳି .....
ସଉରଭ ବୁଣି ଯଶ ଗଉରବେ
ବଢାଇବୁ ଆମେ ମାଟିର ମାନ
ଆମ ସ୍ବାଭିମାନ ସମ୍ପ୍ରତି ସୋପାନ
ମାଆ ର ସେବାରେ ଦେବୁରେ ଧ୍ୟାନ
ଏକତାର ମନ୍ତ୍ର ଗାଇ ଗାଇ ଆମେ
ଦେଶପ୍ରେମ ଦୀପ ଯିବୁରେ ଜାଳି....
