ଆଖୁ ବାରି ଖସ ଖସ
ଆଖୁ ବାରି ଖସ ଖସ
ଆଖୁ ବାରି ଖସ ଖସ
ମାଆ ଅସତୀକୁ ଥୋକେ ଲେଖିଲେଣି
ଏ ତ କଳି କାଳ ଦୋଷ !
ଗଡ଼ି ଗଡ଼ି ଗଲା ବାଟି
ସୁରା ସାକୀ ସଙ୍ଗେ ଯତିପାତ ନାଚ
ହାତ ଧରାଧରି କଟି !
ବାଛି ବାଛି ପୋଚା ପାନ
ନିଜ ସଂସ୍କୃତିର ବାନା ଉଡୁନାହିଁ
ପାଶ୍ଚାତ୍ୟର ଚାଲେ ଗାନ !
ଖପ ଖପ ମୀନ ଡିଏଁ
ବାଳିହାଟା ଅଛି ଅନ୍ଧାରି ଖୋପରେ
ଧରା ପଡ଼ିଯିବ ଛାଏଁ !
କଳା କେନ୍ଦୁ କଷ ଛାଟ
ବାଦ ଫାଦ ସବୁ ବାହାର ଖର୍ଚ୍ଚରେ
ଚାଲେ ସବୁ ହଟ କୂଟ !
ଥୁକୁ ଥୁକୁ ଆହା ଛେପ
ମନ ଗଙ୍ଗା ନୁହେଁ ପାପ ଘଡ଼ା ଭରା
ଚିହ୍ନୁନାହଁ ମାଆବାପ !
ଘୁଡୁ ଘୁଡୁ ବିଲି କାମ
ଯେମିତିକି ଅଛି ବଂଶ ବୁନିଆଦି
ସେମିତିକା ନଷ୍ଟ ନାମ !