ଲାଇବ୍ରେରୀ
ପ୍ରୋଫାଇଲ୍
ଆଧୁନିକା
ଆଧୁନିକା
ହଁ ସେ ବଦଳିଛି
ଆଜି ନୁହେଁ ପ୍ରତି ମୁହୂର୍ତ୍ତରେ
ନିଜକୁ ଗଢି ଚାଲିଛି ସେ
ନିଜର ନୂଆ ଏକ ରୂପରେ
ସେଇ ରୂପଟି ଯାହାପାଇଁ ସେ ସ୍ବପ୍ନ ଦେଖେ
ସିରିଅଲ୍ ସିନେମାର ଶାଶୁବୋହୁ କାହାଣୀର
ସେ ଆଇ ଅବାସ୍ତବ ନାୟିକା ନୁହେଁ
ଖୁବ୍ ସୁନ୍ଦର ମ୍ଯାନେଜ୍ ତାର
ସେ ଅଫିସରେ କାମ କରେ
ଘର ବି ସଜାଏ
ତା ନଖରେ ଲାଗେନି ଅଟା କି
ଗୋଇଠି ତାର ଫଟା ନୁହେଁ ଏବେ
ଖୁବ୍ ସୁନ୍ଦର ପେଡିକିଓର୍ ମେନିକିଓର୍ କରା ହାତ ପାଦ
ଖୁବ୍ ମନ ଦେଇ କାମ କରେ
ଭୁଲିଯାଏ ଚୂଲୀ କି ଚାଉଳ କଥା
ଘରେ ବି ମନେ ପକାଏନି ଅଫିସ୍ କଥା
ପିଲେ ତାର ହୋମ୍ ଓ୍ବର୍ର କରନ୍ତି ମାଆ ପାଖେ
ଭଲ ନମ୍ବର ରଖି ପାଠ ପଢନ୍ତ୍ି
କୋକରିକୁଲାର୍ ବି ବଢିଆ କରନ୍ତ୍ି
ପତିକୁ ସେ ବୁଝେଇ ଦେଇଛି
ଘର ନା ତୁମର ନା ମୋର
ଆମ ଦୁହିଁଙ୍କର ତ
ପିଲେ ତୁମର ନା ମୋର
ଆମ ଦୁହିଁଙ୍କର ତ
ହାତକୁ ବଢେଇ ଦିଏନି ପତିକୁ ରୁମାଲ୍
ନିଜ କାମ ନିଜେ କରିବା ପଣଟି ବୁଝେ ତା ପତି
ମୈର୍ତ୍ତ୍ରେ ବୈକୁଣ୍ଛ କରିବାର ପଣରେ
ଦୁହେଁ ତ ଅଙ୍ଗୀକାରବଦ୍ଧ
ସେ ବାହାରି ଆସିଛି ଚିରାଚରିତତା ଭିତରୁ
ସେ ଆଧୁନିକା ଆତ୍ମବିଶ୍ବାସରେ
ମହିଳା ଦିବସ ତା ପାଇଁ ସବୁଦିନ ପାଳନ୍ତି
ତା ପିଲା ପରିବାର
ତା ଭଳି ଶିକ୍ଷିତାଟିଏକୁ
ପତ୍ନୀ ଆଉ ମାଆ ରୂପରେ ପାଇ ଧନ୍ଯ ସେମାନେ
