ଉନ୍ମେଷ

ମୋ ନିଜ ଭିତରେ ଖୋଜି ମୁଁ ପାରିଛି

ବିଶ୍ଵ ବ୍ରହ୍ମାଣ୍ଡର ରୂପ

ଉନ୍ମେଷି ଆସୁଛି ନୂଆ ପୃଥିବୀଟେ

ନୂତନତ୍ୱର ଆଲୋକ ।

ସୂର୍ଯ୍ୟ ହସେ ସେଠି ପୂର୍ଵାଶାରେ

ପ୍ରତ୍ୟାଶା ଭରି ଦେଇ

ଅପସରି ଯାଏ ନିରାଶା ସେଠାରେ

ସକାଳ ଆଲୋକ ପାଇ ।

ଦେଖାଏ ମନକୁ ନୂଆ ନୂଆ ସ୍ୱପ୍ନ

କର୍ମକ୍ଳାନ୍ତ ରାତି ତହିଁ ।

ଈଶ୍ୱର ସେଠାରେ ଚିର ଅବନତ

ବରଦ ମୁଦ୍ରାରେ ପୂଜ୍ୟ

ସତେକି ସ୍ୱର୍ଗ ଆସିଛି ଓହ୍ଲାଇ

ଏଇ ସେ ଆହ୍ୱିତ ରାଜ୍ୟ ।

କ୍ରୋଧ ଆସେ ସେଠି ପରମ ପ୍ରେମରେ

ଲୁହ ଆସେ ଆନନ୍ଦରେ

ସେଇ ପୃଥିବୀର ନବ ଉନ୍ମେଷ ହୋଇଛି

ଆଜି ମୋ ହୃଦୟରେ।