ଆ ଲୋ ମୋ ମାଆ

ଆକାଶ ପାତାଳ ସର୍ବ ଦିଗପାଳ 

ତୃଷାର୍ତ ତୋ ଦର୍ଶନେ 

ଦେଇ ଦରଶନ କୃତାର୍ଥ କରିଦେ 

ତୋ ଭକ୍ତ ବତ୍ସଳ ଜନେ

ଶତ ସୂର୍ଯ୍ୟ ସମ ଆଭା ଆବରଣ

ବନପତି ପୃଷ୍ଠେ ବସି 

ସହାସ୍ଯ ବଦନେ ଆ ମୋ ମାଆଲୋ 

ହରିବାକୁ ପାପରାଶି

ଶରତ ସରସୀ ସୁନୀଳ ପୟରେ

ପଖାଲି ଦିବ୍ୟ ପୟର

ଶରତ ରଜତ ନୀରଦ ମଣ୍ଡଳୀ

ଆସ୍ଥାନ ରେ ବେଜେ କର

କୁମାର କୁଷ୍ମାଣ୍ଡ ଫଳ ସଙ୍ଗେ ପୁଷ୍ପ

ତା ସଙ୍ଗେ କାକୁଡି କଷି

ଆନନ୍ଦେ ତୋ ହସ୍ତେ ସମର୍ପି ଦେଉଛି

ଆଦରି ନେ ମାଁ ହସି

ବିଶ୍ୱଜନ ମନେ ଭକ୍ତି ଭରି ଦେ ଗୋ

କଳୁଷ ନେ ମାଆ ହରି

ଖଳ ଦୁଷ୍ଟଜନ ଗର୍ବ ସଂହାରିବୁ

କୁଷ୍ମାଣ୍ଡା ନାମ ସଂଚରି

ଦଶ ଆୟୁଧ ର ସଂହାର ଶବଦେ

ଥରିଉଠୁ ପାପି ହିଆ

ସତ୍ୟ ଓ ଧର୍ମ ପଥେ ବିଶ୍ଵ ଚାଲୁ ମାଁ ଗୋ

ଅଧର୍ମ ର ଲିଭୁ ନାଆଁ