फक्त चहासाठी...

सकाळीच तिने स्वयंपाक करुन त्याचा डब्बा ओट्यावर भरुन ठेवला.

ऑफिसला निघतांना अजूनही अंथरुणावर लोळत पडलेल्या नवऱ्याला म्हणाली - "मी निघते रे. तेवढा तू तुझा चहा करुन घे." त्याने ऐकून न ऐकल्यासारखे केले.

     तेवढ्यात सासुबाई कडाडल्या - "नवऱ्याला चहा करायला सांगतेस. आमच्यावेळी नव्हती बाई असली थेरं." ती तिरीमिरीतच बाहेर पडली ते नेहमीसाठीच. कारण भरधाव येणारा ट्रक तिला दिसलाच नाही.