अलक

अलक ६

शिर्षक:- भिकारी

पायरीवरच्या भिकार्‍यांना चुकवत तो तोर्‍यातच मंदिराच्या गाभार्‍याकडे वळला. पाठमोरी अालेल्या कुजबुजण्याने तो पुरता वरमला. .

"पहिले आत जाऊन, त्याला मागू दे मुबलक. मग देईल कदाचित आपल्याला क्षुल्लक. ."

अलक ७

शिर्षक:- कन्या

तो:- चल पळून जाऊ. बसू दे घरच्यांना बोंबलत. .

ती:- नको !. माझ्या घरात गर्भातच मुली मारल्या जातील. .

अलक ८

शिर्षक:- मनात जागा

"नाना कुणाकडे थांबणार आहात ?. .की रात्रीच्या गाडीने माघारी फिरणार आहात. ."

आठशे किमीचा प्रवास करून, फक्त थ्री बीएचकेच्या वास्तू पुजेला नाना आले होते. .

अलक ९

शीर्षक:- मिटींग 

अत्यंत महत्वाची मिटींगसाठी तो अत्यंत घाईने निघाला. पंधरा मिनीटात पोहचायचे होते. .

तो पंधरा मिनीटात पोहचला पण हाॅस्पिटलमध्ये, तेही पंधरा दिवसांसाठी. .

अलक १०

मुलीवर जावयाने हात उचलला, प्रहार याच्या काळजावर झाला. सासरा का आयुष्यभर त्याच्याशी नीट वागला नाही. ते आता त्याला समजले. .