!! व्यथा वारकऱ्यांची !!
!! व्यथा वारकऱ्यांची !!
पांडुरंगा तुझ्या दर्शनाला आतुर झाले रे मन !
या वर्षी तरी पंढरपुर नगरी होईल का रे दर्शन !!
सवय जडली आहे जीवाला वारीची !
टाळ मृदुंग यासवे आनंदे नाचण्याची !!
सवंगडी माझे सारे आहेत आसुसले रे !
पांडुरंगा यंदा तरी सगळ्यांची वारी घडू दे रे !!
पालखी घेऊन चालता-चालता देहभान विसरते !
भूक-तहान ऊन,पाऊस कसलीही तमा नसते !!
दिवसागणिक असती पादुका आमच्या सोबत !
कधी उभे रिंगण कधी गोल रिंगण असतो खेळत !!
चालताना गरजत असतो ज्ञानोबा माऊली तुका !
पांडुरंगा तुझ्या दर्शनास असे रे जीव हा भुका !!
नको आम्हाला पंचपक्वान्ने वा मिष्टांन्ने भोजनास !
वारकर्यां संगे प्रसाद ग्रहणाची मजा असे खास !!
वाहत आहे दुथडी भरून चंद्रभागा !
या जगी चे सर्व संकट वाहून जाऊ दे गा !!
पुन्हा भरुदे पंढरी नगरी भक्तांचा मेळा !
एकच आस याची डोळे बघावा हा सोहळा !!
पांडुरंगा आता नाही रे धरवत धीर !
तुझ्या दर्शनास जीव झाला रे अधीर !!