वनीकरणाची नवी पहाट

हिरवा परिसर जीवन नवे

एक तरी झाड लावून जपायला हवे l

दृष्ट मानवा तूच तोडली हिरवीगार झाडी

धरती मातेची फाडली भरजरी साडी l

अविचाराने केलास तू वनराईचा विनाश

सर्वांच्या गळ्याला दुष्काळाचा फास l

आली दुष्काळाची त्सुनामी लाट 

कंबर कसूनी धरा वनीकरणाची वाट l

होता वनीकरण बरसतील पाऊस धारा 

मिळेल जनावरांना चारा अन् पक्षांना निवारा l

होता वनीकरण भरतील तळी पिकतील मळी

तुटेल दुष्काळाची जाळी भरतील धान्यांन खळी l

वृक्ष आपले सगेसोयरे मित्र जीवाभावाचे

रक्षण करती वन्य जीवितांचे l

पाणी घालुनी करा वृक्ष वेलींची सेवा

मिळेल शुद्ध हवा अन फळांचा रानमेवा l

विद्यार्थ्यांनो झाडे लावा झाडे जगवा

शेतकऱ्यांनो झाडे लावा झाडे जगवा

होऊद्या सगळीकडे वनीकरणाची हवा l

वनीकरणाची होत आहे नवी पहाट

पहावी लागणार नाही आता पावसाची वाट l