लाइब्रेरी
प्रोफाइल
व्हायचे होऊन गेले---
व्हायचे होऊन गेले---
1 min
279
कोण डोकाऊन गेले?
आत गंधाळून गेले
फक्त भासाने सखीच्या
चांदणे बरसून गेले
पैंजणाच्या चाहुलीने
अंग रोमांचून गेले
एकट्या वेड्या मनाला
स्वप्न चुचकारून गेले
काचणार्या काळजाला
कोण झंकारून गेले?
आपुले जे काल होते
आज का टाळून गेले?
आठवांचे झुंड सारे
एकदम सोडून गेले
वास्तवाच्या वेष्टनावर
लोक का भुरळून गेले?
का असे "निशिकांत" अश्रू?
व्हायचे होऊन गेले
