🌼नारीशक्ती तू...🌼

रणरागिणी तू ,तूच खरी *मर्दीनी*..

सहनशील मनमिळाऊ,तुच असे *संजीवनी*..

रूपवती, गुणवती, सौंदर्यवती तू,असे तुच *बहुगुणी*... 

उमटवी आपुला ठसा खांद्यास खांदा *लावूनी*...॥1॥

 भरवीत चिऊकाऊचा घास,उदरात जपले तुच अमुची *आई*..

घडविलास शिवबा तू, तूच अमुची *जिजाई*.. 

विठ्ठलासवे उभी दिनरात पंढरी,तूच अमुची *रखुमाई*..

घडवलीस क्रांती शिक्षणक्षेत्रात,तूच अमुची *सावित्रीमाई*...॥2॥

पूर्वीपासून ओढत आलीस तू, चुल आणी मूल हीच *दोरी*..

माया,ममता जपता जपता जपते संस्कारांची *शिदोरी*..

देश रक्षण्याही उभी तू,दोन्ही घरांस तुच *उद्धारी*..

नयनांत लपवून अश्रू ,ओठी हास्य तुझ्या *निरंतरी*..॥ 3॥

ओलांडूनी माप ती ,तुझिया घरात *येते*..

मनी निखळ आशेची,नवनवी स्वप्नं ती *रुजवते*..

विसरूनी स्वतःची स्वप्नं, संसार तिचा *फुलवते*.. पत्नी,सून,आई,नणंद,भावजय सारी नाती मनापासून *निभावते*..॥4॥

आजही उभी खंबीरपणे तू,जगाच्या प्रत्येक *क्षेत्रात*.. 

जिद्द,बळ,चिकाटी दिसे,तुझ्या दोन्ही *नेत्रांत*..

पिलांसाठी झटते माय, कष्टते तू *दिनरात*.. 

पंख लावूनी आशेचे, एकवटते बळ तू अपुल्या *देहात*..॥5॥

प्रीतीच *चांदणं* तू ..सुखाचं *कोंदण* तू..

रिमझिम बरसणारा *श्रावण* तू..

 नात्यांची सुरेल *गुंफण* तू....॥6॥

धागा धागा जोडणारं अतूट *बंधन* तू..

सगळीकडे दरवळणार सुवासिक *चंदन* तू..

टेकवावा माथा तुझिया पायी,असं कोमल *चरण* तू ..

अवघी विश्वनिर्मिती करण्यास, धाडलेलं *कारण* तू..॥7॥

 देव्हाऱ्यात जळणारी *वात* तू.. सुखाची होणारी *बरसात* तू..

चोवीस तास राबणारे *हात* तू.. 

दु:खावर करशी हास्याने *मात* तू..॥8॥

अंगणात बहरणारा *प्राजक्त* तू..

नारीशक्ती तू ,घे जगुनी *मनसोक्त* तू..॥

नको तुला कशाची ही तमा...

कारण....

अद्वितीय,अलौकिक अद्वैत अशी मनस्विनी.. *नारीशक्ती* तू...

*नारीशक्ती* तू ......॥9॥