लाइब्रेरी
प्रोफाइल
तू आणि केवळ तूच
तू आणि केवळ तूच
1 min
246
भाळी रेखली कुंकुमतिलिका
कृष्णकुंतलावरी शुभ्र गजरा
साजशृंगाराने काया सजली
अन् तुझ्या विभोर नजरा
जुळता सुर तुझे अन् माझे
जीवनगाणे आले बहरा
दु:ख नेहमी विरून गेले
दिसता तव प्रसन्न चेहरा
कधीचाच संपून गेलाय
आपल्यातील शब्द-पहारा
अंतरीच्या भावनांसाठी
पुरे केवळ नयन-इशारा
साथसोबतीने आयुष्याचा
केला हरेक क्षण साजरा
थकल्याभागल्या गात्रांना
आता एकमेकांचा सहारा
राखाडी रुपेरी केसांवरती
मोगऱ्याचा सुगंधी गजरा
साजशृंगाराविना लोभवती
तुझ्या प्रेमळ स्निग्ध नजरा.
