तुझी भेट

जीवनाच्या वळणावर 

अवचित भेटलास

पाहता क्षणी तुला 

आपलासा वाटलासं 

 नजरेस मिळता नजर

 प्रीतकळी उमलली

 मधाळ तुझ्या शब्दांनी

 हृदयी प्रीत जागवली

 अनोळखी नात्याचे

 वलय क्षणात विरले

 हृदयातील कोंदणात

 एकमेकास कोरले

 कोसो दूर अंतर जरी

 असे तुझ्या माझ्यात

 माझ्या तू तुझ्या मी

 आहोत प्रत्येक श्वासात

 रेशीम बंध प्रीतीचे

 आले जुळुनी जन्माचे

 हृदयाच्या ठोक्यात

 नवा फक्त सख्याचे

 समंजसपणे वागणे 

 रीत आपल्या प्रेमाची

 आदर एकमेकांप्रती

 सीमा राखू संयमाची