स्वातंत्र्यगी
स्वातंत्र्यगी
1 min
217
श्वास झाले मोकळे आज
तुटले साखळदंड पायातील
स्वातंत्र्याची उगवली पहाट
सरली रात्र पारतंत्र्यातील
गुलाम बनवून भारतीयांना
चोर ते चोर केली शिरजोरी
इंग्रजांनी हालहाल करुनी
अमानुषपणे केली अत्याचारी
क्रांतिवीर अन् देशप्रेमी
लढले जीवाचे करुनी रान
थेंब थेंब रक्ताचा सांडून
स्वातंत्र्यासाठी सोडले प्राण
बलिदान देऊन वीरांनी
पदर सावरला मातेचा
हुतात्मा झाले वीर अनेक
स्वीकार करुनी फासाचा
जाणीव ठेवून बलिदानाची
एकजुटीचा निश्चय करू
जाती धर्म भेद विसरून
तिरंगा ध्वज हाती धरू
प्रगतीपथावर ठेवू पाऊल
हात घेऊनी हातात
भारत माता की जय बोलू
अभिमानास्पद थाटात