Library
Profile
सुखाचा पाऊस
सुखाचा पाऊस
1 min
348
सुखाच्या क्षणांची
धुंद बरसात व्हावी
तुझी माझी भेट
ऐन पावसात व्हावी
मृगाची सर अशी
अलगद यावी
नजरेने नजर तशी
घायाळ व्हावी
पावसाच्या स्पर्शाने
धरती मोहरावी
तिच ओढ दोघांच्या
भेटीत असावी
पावसाने धरणीतून
अंकुर रुजून यावा
आपल्याही प्रेमाला
तसा बहर यावा
श्रावणात ऊनपावसाचा
पाठलाग असावा
सुखाचा शिडकावा
नित्य दारी असावा
मघा नक्षत्रात पाऊस
अखंड कोसळावा
आयुष्यात सतत
सुखाचा वर्षाव व्हावा
सुखाचे इंद्रधनुष्य
दोघांनी विणावे
जीवनाचे सारे रंग
त्यात मिसळावे
संपूर्ण धरा
तृप्तीने चिंब न्हावी
संसाररुपी रोपट्याची
तशी गत व्हावी
आपल्याही जीवनात अशी
एक सोनेरी पहाट यावी
तुझी माझी भेट
ऐन पावसात व्हावी
