Library
Profile
सोनेरी पहाट
सोनेरी पहाट
1 min
528
निळ्या निरभ्र आकाशी सूर्यकिरणे पसरती !
देती चाहुल सुंदर सोनेरी पहाटेची
पक्ष्यांचा किलबिलाट अन थवे दिसती आकाशी
निळ्या निरभ्र आकाशी सूर्यकिरणे पसरती !
पानांवर दवबिंदू झळकती जणू टपोरे मोती
पारिजात , जाई , जुई , शेवंती सुगंध पसरवती
हिरव्यागार शेतांची जणू चादर पसरली
मंदिरात शंखनाद आणि टाळ्यांचे सुर गाजती
दूर कुठेतरी झोपडीत दिसे शेकोटी पेटलेली
निळ्या निरभ्र आकाशी सूर्यकिरणे पसरती !
कुठेतरी चाहूल दुचाकी वाहनांची
दूध , वर्तमानपत्र पोहोचवणाऱ्यांची
कुणी निघे प्रवासी तर कुणी कामावरती
अशी ही शांत वेळ मनाला सुखावून जाई
निळ्या निरभ्र आकाशी सूर्यकिरणे पसरती !
