समुद्रकिनारी तू असावा सोबती

सुर्यास्तावेळी समुद्रकिनारी 

तू असावा सोबती 

हाती तुझा हात अन्

निरव सायंकाळ भोवती 

​

खळाळणाऱ्या लाटा सोनेरी रेती 

उमटती तुझ्या पाउलखुणा 

अन् त्यावरी पाऊले माझी

गप्पांची मैफिल भारी 

रंगावी त्या किनारी

लाटांच्या सूरातही 

मन ते रमावे

न बोलता आले जरी 

डोळ्यांत मन गुंतावे

अथांग सागरासम 

असावा प्रवास आपुला

रेखीव शंखशिंपल्यांसारख्या 

सुंदर आठवणी फुलाव्या 

साक्षीदार प्रवासाची 

बोलकी होडी असावी