!! शोधू नकोस मला !!

शोधू नकोस मला

हृदयाच्या अंधाऱ्या गल्लीतून,

नाहीत भेटत लोक

अशा गूढ ठिकाणाहून.

केलास जरी प्रयत्न मला शोधण्याचा

हृदयाच्या कड्या-कपाऱ्या धुंडाळण्याचा,

हाती नाही काहीच लागणार

मी नाही कधीच भेटणार.

जखमेवरील खपली मात्र नक्कीच निघेल

जूनं काहीतरी भरपूर आठवेल,

आसवांच्या नदीला पूर येईल

पण वर्तमानाच्या जाणीवेने ओसरेल ही .

म्हणून म्हणतो मी ,

उरले सुरले सारे बंध

टाक एका क्षणात तोडून .

शोधू नकोस मला

हृदयाच्या अंधाऱ्या गल्लीतून.