साने गुरुजी

रत्नागिरी जिल्ह्यातील

'पालगड' गावी जन्म

खोत घराण्यात बाळ

पांडुरंग दुतासम..../१/

शिकवण आईची ती

नित्य ध्यानिमनी धरी

उच्च विचारसरणी

शिक्षणाचा लळा उरी..../२/

थोर स्वातंत्र्यसैनिक

समाजसेवक खरा

पेशा शिक्षकी मनाचा

देशसेवा हाच नारा..../३/

राजीनामा देउनिया

सविनय चळवळ

कायदेभंगाची तत्वे

गांधींवादी तळमळ...

कारावास भोगतांना

अलौकिक साहित्यिक

जन्मा आला सर्वार्थाने

कैदी सुधारे कित्येक.../४/

'पत्री' काव्यसंग्रहात

बलशाली भारताचे

विश्वातील स्थान कसे

केले वर्णन तयाचे..../५/

भाषा विविध शिकून

संस्था 'आंतरभारती'

स्थापण्याची इच्छा मात्र

गेली राहून शेवटी.../६/

शोकांतिक अंत झाला

महामानवाचा फार

गोळया झोपेच्या घेऊन

संपवले कथासार..../७/