रोज वाटे

रोज वाटे

तुझ्याशी बोलावे

न बोलता

खूप काही सांगावे

न पाहता तुला

तूच दिसावे

पाहूनी जीवघेणा अबोला

त्यावर मनसोक्त हसावे

स्वप्नातही माझ्या

तू सोबती असावे

रोज वाटे

तुझ्याशी बोलावे

ओढ ही निराळी

नकळती जाणवावे

स्वतःच गालात हसूनी

मनमुराद अनुभवावे

सतत तुझ्याच विचारी

मनी गाणं गुणगुणावे

न असता तू सोबती

आठवणी रुपी तुच उरावे

बोलता तुझ्याशी

भान हे हरवावे

रोज वाटे

तुझ्याशीच बोलावे