“रानात सांग माझ्या कानात सांग”

रानात सांग माझ्या कानात सांग,

तुझ्या मनात गुपित दडलय का ?

सांग साजणी सांग मला तू,

तुझ्यात न माझ्यात  काही घडलय का ?

तरारल शेत त्यात भरल कणीस,

माती आली ग पोटुस,

हे शेतकरी राजाला  कळलय का ?

सांग साजणी सांग मला तू,

तुझ्यात न माझ्यात  काही घडलय का ?

पाणी वरून पडल त्यान धरतीला चुम्बल,

हे कुणीतरी कधीतरी पाहिलंय का ?

सांग साजणी सांग मला तू,

तुझ्यात न माझ्यात  काही घडलय का ?

नदी लागली धावाया तिचा समुंदर राया,

अस एकरूप होण कुणा जमलय का ?

सांग साजणी सांग मला तू,

तुझ्यात न माझ्यात  काही घडलय का ?

चल आमराई जाउ गोड गोड गाणी गाऊ,

प्रेम मळ्यात फुलवू प्रीत जगाला कळवू,

सांग साजणी सांग मला तू,

माझाशी गोड गोड बोलशील का ?

सांग साजणी सांग मला तू,

माझाशी गोड गोड बोलशील का ?