प्रेमाला होईल पारखा"

नयना मध्ये पाहिला तो

प्रेमभरीत सागर प्रितीचा

पण प्रेमाला होईल पारखा

म्हणुन केला निर्धार मनाचा...

या सुप्त भावनांना आले 

तृप्त भावनेचे मस्त उधान  

मनाच्या वृंदावनात माझ्या

 मुक्तपंखी मोर नाचले...

विश्वासाने जीवनातले

वेदनेचे सारे पांग फेडीले,

सफलतेच्या वाराने इथे

तनाव तिमिर झाकले...

आयुष्यात माझ्या आले 

अनेक क्षण हे मंतरलेले 

प्रत्येक कारणाचे दिले मी

अद्भूत रुपांतरीत दाखले...

अजूनही आठवतो तो क्षण 

अन् मोरपिसाचा अलगद पिसारा

अंगावरूनी भारलेल्या पीसांचा

तनामनात मज होतोय शहारा...