प्रेम

आली अचानक समोर ती

अन् चंद्राची अनुभूती आली,

रांगोळी केसांची मुखावरी

जणू रात दिवसा अवतरली

गालावरचे तीळ तिचे ते

खुलवी तिच्या सौंदर्याला,

खळीही पडते गालावर अन्

घायाळ करी या हृदयाला

मनोहारी ती चाल तिची ती

नाजूक नाजूक तिची पावले,

नजर हटेना तिच्यावरूनी

पाठलाग मन करू लागले

सौंदर्याची खाणं जणू ती

लोभसवाणे रूप तिचे ते,

अप्सराच जणू पृथ्वीतलावरी

इंद्रधनुची अनुभूती देते

क्षणात पाहता तिला मनामध्ये

प्रेमभावना दाटूनी आली,

शांत या माझ्या मनातली

प्रेमाची तार ती छेडूनी गेली

प्रेमामध्ये होते काय ते

आता मजला समजू लागले,

प्रेमाशी हृदयाचे नाते

आता मजला उमजू लागले

प्रेम म्हणजे मधुर भावना

जीवनातील मधुराई,

प्रेमाशिवाय जगण्याची या

कल्पनाच करवत नाही