फोडासारखी जपेन
फोडासारखी जपेन
बाळ चिमुकले माझे
उदरात मी जपले
असो मुलगा मुलगी
भेद मुळी न मानले......१
जरी मुलगी म्हणूनी
नको झालीस सर्वांना
तरी गोळा उदरातला
आहे गर्व पालकांना......२
तळहातावर फोड
सांभाळीन मी सदैव
शिकवीन सर्व कला
जन्म तुझा तो सुदैव.....३
वंश पणती घराची
दोन कुटुंबे जोडुनी
धन्य करील आईस
छान घराणे जुळूनी......४
सौख्य जोडशी मायेचे
लक्ष्मी दोन कुटुंबाची
म्हातारपणाची काठी
तू तुझ्या आईबाबांची.....५
जरी झुंज वादळाशी
द्यावी लागली आम्हाला
तरी बिनधास्त देऊ
तुला सदा जपायाला......६