फक्त तुझी साथ हवी

आयुष्याच्या वळणांवरती

कित्येक अडथळे वाट अडवी,

करील धैर्याने मात त्यावरी

मला फक्त तुझी साथ हवी ||1||

येऊ दे संकटे कितीही

रोजच्या जीवनात उभी आडवी,

तोंड देण्या नाही भिणार

मला फक्त तुझी साथ हवी ||2||

प्रत्येक सुख-दुःखात खंबीर

झटकून सारे मनास उठवी,

नाही हतबल मी होणार

मला फक्त तुझी साथ हवी ||3||

हळव्या त्या सुखद क्षणी

प्रोत्साहन देण्या तू टाळी वाजवी,

माझ्या वाढवण्या मनोबलासाठी

मला फक्त तुझी साथ हवी ||4||

घेईन मी भरभरुन श्वास

रोज झिजुनही उरेन नवी,

प्रेमळ तुझ्या स्पर्शाने बहरण्या

मला फक्त तुझी साथ हवी ||5||