पाऊस कविता स्पर्धा
पाऊस कविता स्पर्धा
आत्ता मी पावसाला विचारलं
तुझं *वय* काय?
पावसानं मला सुंदर उत्तर दिलं,
जर तू पावसात सैर वैरा
*आनंदात धावत* असशील
तर माझं *वय १० !*
जर तू पावसात
*कविता* लिहित असशील
तर माझं *वय १६ !*
जर तुला पावसात
*विरह* जाणवत असेल
तर माझं *वय १८ ते २०!*
जर तुला पावसात
*ट्रेकिंग* ला जावंस वाटत
असेल तर माझं *वय २४ !*
जर तुला पावसात
*गजरा* घ्यावासा वाटत असेल
तर माझं *वय ३० !*
जर तुला *मित्रां*सोबत
पावसात भिजत *भजी*
खावी
असं वाटत असेल
तर माझं *वय ४० ते ४५ !*
मग मी पावसाला म्हणालो
*"अरे एक काय ते वय सांग,*
*असा शब्दात गुंतवू नकोस!"*
पाऊस स्मितहास्य देऊन म्हणाला,
*मला तू जसा अनुभवशील*
*तेच माझे वय!*