मन-भावना

मनातील मनाच्या प्रश्नांना 

उत्तर मिळतच नसते 

मन मनाच्या नाजूक भावनेत

सारखे गुंतत असते 

गालावरून अश्रू ओघळतात 

मनाविरुद्ध बंड पुकारतात

मनाचे रुदन तसे अखंड असते 

मनाला मनाचे पटतच नसते

अश्रुंना हे मन वेळेवर,

कधीच सावरत नसते

भावनांच्या पाचोळ्यांवर

हे मन वावरत असते

मन दुसऱ्या मनाशी

जुळवून घेत असते

मन कल्पनेच्या राज्यातही 

सारखे रमत असते

मना मनाचे कोडे, 

अजिब आहे

म्हणूनच मन हृदयाच्या,

करीब असते

मन दुःखाच्या काठीवर

सुखाचा वेल सजवते

म्हणूनच वाईटातून,

चांगले निघत असते