मिठी

कुठे ना कुठे लपत छपत 

रोज ती भेटत होती मला

असे तिचे वागणे पाहून 

मलाही वाटे भेटावे तिला

तिच्या आठवणीचे घर

बांधू लागलो मी मनात

काय झाले ? कसे झाले ?

हे येत नव्हते ध्यानात

भावनांचा खेळ चांगला

रंगात आला होता खरा

कशासाठी कुणासाठी

याला नव्हता कुठेच थारा

मंद रात्रीची गोड मिठी

हवी हवीशी ती वाटली

कधी वाटे ही अशी का?

मला अचानक भेटली

एक दिवस हिम्मतीने 

मी स्वतःलाच विचारले

खरच मी तिच्या प्रेमात  

आहे हे तेव्हा मला कळले