लाइब्रेरी
प्रोफाइल
मिर्गाची सर
मिर्गाची सर
1 min
272
येई सरींवर सर
त्याच्या उरात बहर
भुई राहिली गर्भार
आली मिर्गाची सर
धार देतोया लोहार
कसा सजतोया फाळ
दारी सांडते झरझर
आली मिर्गाची सर .
माय मातीला डोहाळे
घेते मिठीत आभाळ.
भुई राहिली गर्भार
आली मिर्गाची सर
रानी नांगराचा फाळ
कसा चिरतोया उर
भुई राहिली गर्भार
आली मिर्गाची सर.
बाप पेरतो सपान
मागे आभाळाचे दान
त्याचा फुलतो उर
आली मिर्गाची सर
